Era de maggio e te cadeano 'nzino
a schiocche a schiocche li ccerase rosse:
fresca era l'aria e tutto lu ciardino
addurava de rose a ciente passe.
Era de maggio; io, no, nun me ne scordo.
Na canzone cantavemo a ddoje voce:
cchiù tiempo passa e cchiù me n'allicordo,
fresca era l'aria e la canzone doce.

Ritornello:

E diceva: Core, core!
core mio! luntano vaie;
tu me lasse, e io conto ll'ore,
chi sa quanno turnarraie!
Rispunneva io: "Turnarraggio
quanno tornano li rose,
si stu sciore torna a maggio
pur' a maggio io stonco ccà!
si stu sciore torna a maggio
pur' a maggio io stonco ccà!.

E so' turnato e mò, comm'a na vota,
cantammo nzieme la canzone antica;
passa lu tiempo e lu munno s'avota;
ma ammore vero, nun vota viche.
De te, bellezza mia, m'annammuraie,
se t'arricuerde nanza a la funtana
l'acqua là dinto nun se secca maie
e ferita d'ammore nun se sana.

( Ritornello)